Klikni na pismu
s live strane,
i ovdi će se
tekst prikazat.

Famožno!

Ca manje mora,
Ca veće škoja,
Ono su ćapale,
Ono su ćapale.

I ku zno zoc,
Su one tot fermale,
More bi da su,
Da su tot zaspole.

Lipo su se vale,
Lipo su se vale,
Ma lipo su se stivale,
I cili Vis su zapasale.

I ku zno zoc,
Su one tot fermale,
More bi da su,
Da su tot zaspole.
Oli da su se,
Jelna sa drugun inkantale,
Oli da su se zaćakulale.

Ma ni me briga,
Glavno da su se stivale,
I ovako mi zakantale.

Pol velu provu,
Pol veli hlod,
Molo je težak život svoj.
I dvi ol nose,
Jelna ol napri,
Cine sve da manje pati.

O jo jo jo kucinu moj,
O jo jo jo zivot je tvoj,
O jo jo jo kucinu moj,
Težak je život tvoj.

I ni corno,
I ni bjanko,
Vej je un kolur de fronko.
Pok zastenje,
I pok zaplace,
Vele su te životne drace.

Volcer nikal ni tanco,
Jer balat ni užo,
Pasalo vrime,
Pasala va fjaba,
A un je porti pul veleg kraja.

Zgarcen ka bluza,
Kalon se niz kalu,
Pok na kafu gren,
Vazest koju fjabu.

Obo sebi sal, jo vode provjen,
Obo sebi sal, jo kanton.
Tucen tobak smarvjen,
Locen arju i,

Kafeton, fumon,
Kafeton, fumon.

Pok obid zastenje,
Pok obid zalegnen,
Zgarcen ka bluza,
Kalon se niz kalu,
Tucen tobak smarvjen,
Locen arju i,

Tumba se u valu,
Mola se po kraju,
Vecer krojin tusto,
Dojen pešnje ludo.

U kužinu navar špahera,
Barba Andro mišo šug,
Karcat mesa, svi zadovujon
Liže bark.

A namo na dvuru,
Moli savardo,
I bidnuj noni,
Bidnuj noni mira nedo.

Nona glodan son,
doj mi cagor ist.

Grinto, grinto glod, glod.
Dežgraciju oparćoje
Moli smrod.
Grinto, grinto glod, glod.
Ninder mesa,
Stinje je buto.

Na telefon je Andro hol ćo,
A moli navar teće sto.
Meso justima ćapo,
A u teću stinje buto.

I dok Andro gre nose,
Moli u bušak skoce,
Mišo stinje, skido Boge,
Molega bi u papor do.

Odriš cimu,
Mola se ol kraja,
Hodi na vesla,
Do sinjola.

Dvigni voršu,
Ćapoj frotra,
Oli puj,
Pul drugeg porta.

Ješka je pala,
Riba se ćapala,
Dušla do gradel,
I sva zavonjala.

Ješka je pala,
Riba se ćapala,
Dušla do gradel,
I za justa se oparćala.

Hiti tunju,
Pul dna corneg,
Ucini mista,
Da kirnja dujde.

Nadi parangol,
Mola da toci,
Spizu neka,
Neka riba ploti.

Šijavico igra mi te ćaća!

Jo napravi son frizuru,
I buto nove lente,
Obuka nov veštid,
I postole za prežence.

Jelna ni tila,
Drugo ni umila,
Trećo se Bogu molila,
Cetvorto je gorila.
Jelna ni tila,
Drugo ni umila.

Mater me prikarstila,
Da jo nojden ženskjeg tila,
Ca po kući lavur išće,
Da je svit za parsi stišće.

Kal son duša na tanac,
Obli me veli znoj,
Kal son duša na tanac,
Popi son olma žmul dvo.

Molo je muj škoj,
Teško sidro u vi roj,
Kalo je i sva jidra,
Da ne gredu
Puten ol vitra.

Partenci sal je dosta,
Neka provje molo ploca,
Neka provje Molo Bonda,
Oko škoja ca je voja.

Mola jidra, mola vale,
Da in more doje rane,
Dvigni vesla, dvigni kale,
Da se vodi justa hrone.

Sal muj škoj, tonco tonce,
Sal muj škoj, tonco volcer.

Trude svoje, vele voli,
Jer uz njih se, boje foli.

Seli smo na sulor,
Pili i igrali bombon,
Ćapali smo sve ženskje,
I provjali sex bonton.

Ona je sela vode,
Butala glovu na mih,
A jo son otkoco sarce,
I holćo do bota u vir.

Vazeli smo dvi tri trake,
Ruvinali cili svit,
Ma neka kal lipo je vode,
Sidit pok Boga ti i umrit.

Jo son, jo son, jo son,
Jo son rebambi.
Vaze son trip hop,
I sve son izvarti,

Jo son, jo son, jo son,
Jo son rebambi.
Tovor imo roge,
A koza britvulin.

Tura gura ga, tura gura,
Tura gura ga, tura ga!
Tura gura ga, tura gura,
Tura gura ga, tura ga...
A ja, ja, ja…

Mrok oko mene,
Jubov taman krene,
Zakanto son pismu,
Skupi nojlipju u mistu.

Dušli smo na greben,
Svukli smo se sve do gola,
Hiti son se no nju,
Ćapo son je sa boka,
Mlodi misec, mijor zvizdi,
Venera u dvo joka.
Komori su nos boli,
Benti nega vroga.

A jo ga deren,
Un dere mene,
Svarbe mene škinja,
Doj mi malo mira.

Vrog mu ne do mira,
Vrog mu ne do mira,
Pok me žere.

A komor žere,
A mira nimon,
A komor žere,
Žena ispol mene.

Dižen se u bisu,
Lamaton rukami,
Ona gledo u me,
Kako da son jo pjon,
Jo joj recen, ne mogu vej,
Lipa si molo,
Ma ne mogu jer...

Dođi na morski greben,
Tamo ću da te jednom,
Tamo ću da te jednom,
Dragana, poljubim ja.

Ako mi došla ne bi,
Onda se sama jednom,
Onda se sama jednom,
U moru okupaj ti.

Dođi na morsku zvizdu,
Da ti pocipam pisma,
Da ti pocipam pisma,
Koja sam pisao ja.

Dođi na morski štulac,
Da ti pokažem kuću,
Da ti pokažem kuću,
Di sam se rodio ja.

Izašla morska zvizda,
Stradat će tvoja pisma,
Stradat će tvoja pisma,
Koja sam pisao ja.

Ova pisma
riči nima!

Sunce cunkovicu vižitoje.
Smokva cidi svitli vunj.
Carcej se timbroje.
Da opivo ovi don.

Prostrit katridu tuko.
Zalit tilo, ala hol,
Vajo sest na teracu,
Pok gledot u bonacu.

Kaloš cornu koltrinu,
Da ne moriš pogled svuj,
Vuceš tešku velu cimu,
Da zaplivoš u vi roj.

Kalono, kalono, kalono bonaca,
Da je svaki don.
Kalono, kalono, kalono bonaca,
Trankilo život vijolon.

U pul noća, u konobu
Sastala se storo klapa.
Garla ore storu pismu
Bi će smiha, bi će placa.

Korte mišo, korte dili
Po pet svima, pok i sebi.
Tusti pogled muk je veli,
Napolitona aboj meni.

Jo u kupe, ti u špode,
Pok u bote, ol dinore.
Jo u kupe, ti u špode
Ni ti vele sriće vode.

Sal se tuce, sal se idi
Tri su kusa punti veli.
Pala trica no iz kolpa
Oparćoj ga ni mu sposa.

Ćapali smo,
Rabotu pri sunca,
Lavur smo stali,
Ništo pri obida.
Loza, zvizdon,
Corno zemja,
I bocun vina.

Muj tovor i jo,
Gremo doma,
Pri obida.
Muj tovor i jo,
Sritni smo,
Ka gardelina dvo.

Pril konobu,
Jo son ga vezo,
Samor maka,
I sić vode mu do.
Malo trove, rogoci,
Za obid mu oparćo.

Muj tovor i jo,
Imo vo,
Našeg truda.
Muj tovor i jo,
Dvo kumpanja,
Do kraja svita.

Oštri se britvulin,
I oparćoju kace za zloto.
I nona, i nono,
I otac, i mati,
Gremo svi,
Jer vrime je,
Ol jematve,
I imomo voje,
Jer vrime je,
Ol jematve.

Godišće je don pasalo,
I ura je da loza ploti dug,
Lavuralo se vaz don,
Isploti non se trud.

Tarsi ka ruke,
Doju non tilo,
I riže se arja,
Kal pol rukami,
Ćapon gruzd.
Priko gomil i starni,
Dognoj doma,
Dor zemje,
Pol tiskom,
Cidi se šug,
I koluri poje oci.

Evo sidin gledon nose,
Gledon nose, ma di je Bose.
Bila non je sve na svitu,
Kroj je duša oven litu.

A Bose?! A Bose?!

Nojlipja je nami bila,
Dušu non je razdilila.
Ala dijdi nose Bose,
Dujdi nose, ala Bose!

A Bose?! A Bose?!

Jo znon da je jubov,
Ka list ol kaduje,
Život oprudi,
I život olkrije.

Di si, ca si, s kin se skitoš,
Di si, ca si, sal se piton.
Ala dujdi nose Bose,
Dujdi nose, ala Bose!

A Bose?! Dujdi nose!
A Bose?! Dujdi nose!

Naše su non odovna,
Ukroli!
Zemju su non na vik,
Zasroli!
Pust je muj škoj,
Voltoni!
Žene, muži su non,
Rastovni!

Makaki dujdu liti,
Fudroni!
Vade bušte kada su,
Padroni!
Ninder nikug svi su,
Zaspoli!
Hlolno je, sal zima,
Kanto mi!

Tuje neću, svoje neću,
Jo prodat!
Tuje neću, svoje neću,
Jo von dat!

Svi su sveci odovna,
Kaloni!
Stori su non propja,
Frankoni!
Sve kalete prozne,
Feroli!
More trisko di su,
Žermoni!

Kal iz jutra ćapo sunce,
Ote teške store kosti,
I kal starna zajeco,
Jer ne more da se smoci,
Pol vun storun velun smokvun,
Prikarsti je svoje oci,
Barba Pere, stori Pere,
U ložje je svoje porti.

Barba Pere, trude svoje vele nosi,
Barba Pere, žuje svoje zlotun krosi.

Mola stinje neka provju,
Mola tice da polete,
Mašklinen ćapoj bondu,
Da se lavur pri zgotovi,
Pa sa tilen svojin cornin,
Paso priko mole rive,
I po putu luštru hiti,
Ka i vrime svoje ure.

Ćapala je kalmadura,
Ve teške kargone kosti,
Nuš, no i starna jeco,
Nemore da se smoci,
Dret kako kanndela,
Puć ću, puć ću ploci.
Kako žerava se gosin,
Karstin svoje oci.

Barba Pere, trude svoje vele nosi,
Barba Pere, žuje svoje zlotun krosi.

Kal covik poleti,
No se spusti ka tica,
Uz tilo kuri mu,
Ol Boga garbinica.
Kuri mu svitlost,
Kroz možjon coviku,
Fermat se tote,
Šencat mladicu.
Jer jo gren, jo gren,
Jer jo gren,
Skocit u more!

Ol glove pul pete,
Liže more milo,
Ala maka tucen,
Fortune vu tilo.
Puć a fondo,
Liberta je velo,
Ma gloriju silencio,
Zvižđe fratelo.
Jer jo gren, jo gren,
Jer jo gren,
Skocit u more!

Bajla mola, bajla vamo,
Noge tira, tira malo.
Skoci sarce, skoci vamo,
Smoci tilo, svoje malo.

Rapa, rapa.
Balon jo, svaki don,
Svako don,
Kal so pjon,
Po vaz don.

Ziboj tilo, ziboj milo,
Misi gore, spaso milo,
Ćapa dole, ćapa milo,
Velu jidro, moje sidro.

Introj, introj,
Na molo vrota,
U teotar ol,
Penih života,
Kalonih precjih,
Dretih kandelih,
Tustih obrazi,
I mikro fratelih.

Kacaduri na bušte,
Figure porke,
Zlotne kalcete,
I posrone užonce.

Kadaveri burdižaju,
Nuš šušur ne badaju,
Hlolne tikve kalkulaju,
Vaj malora duperaju.

Voga! Voga! Voga!

Kud uplovit želi brod,
U marinu!
Kormilara napetog,
U Marinu!

I stari barba bi uplovia,
U Marinu!
Ali barka mu potonula,
U marini!

U Marini lijepo je i toplo,
Ali malo daje na srdelu,
Za mora nemirnog,
Tamo staviš svog,
Titanika velikog.

Nema više jarbola,
U marini!
Odkad riba je uginula,
U Marini!

Karga stul na vrota,
Strižen vlose, štucon brodu,
Da me nepripoznaju zidi.
Pokrijen se lancunen,
Sal son som sa snima,
Sal son libar njihuv.

Zatvor škure,
Da paiz neintro u kamaru,
Da neintraju kuverte,
I ništo mora po obicoju.

Zatvor škure,
Da paiz neintro u kamaru,
Da me ne nojdu vode,
Duboko u mum zagrljaju.

Pristave se nižu,
Trudi se rižu,
Zima pok zatonco,
Svoju velu žjicu.

Ne cuje se vrime,
Al' se cuti mroz,
Pok sve zaplivo,
U niki tepli son.

Zima sal tuce,
Zima sal laje,
A ca ceš ti svitu,
Kal zima je java.

Žermoni sal ni,
Portila je klapa,
Veluj vuj pokori,
Ne vidi se kraja.

Kuverte sal stinu,
A škure ti placu,
Holcale sve fuge,
S vitron u svacu.

Na zid kargon armerun
Po tlehu rasut bocun
Navar stola katrida bjanka
Tiho sviri ažvelt blues.

Pasalo je pustu vrime
I zidi sal provju tu
Ca se toti svega lilo
I ku je sve paso ti trud.

Peronospora blues
Peronospora blues.

Svak je svume svitu holćo,
Svak je noša ca je isko,
Rane svoje, tujin je lici,
Pok je svuj škoj na vik ispaco.